കുടുംബശ്രീയുടെ നേതൃത്വത്തില് കുട്ടികളുടെ പങ്കാളിത്തവും നേതൃത്വ ശേഷിയും വളർത്തുന്നതിനായി ബാല സഭയുടെ ബാല പഞ്ചായത്ത് രൂപീകരണം നടന്നു. കുട്ടികളെ ജനാധിപത്യ പ്രക്രിയകളിലേക്ക് പരിചയപ്പെടുത്തുകയും അവരുടെ അഭിപ്രായങ്ങൾ സ്വതന്ത്രമായി അവതരിപ്പിക്കാൻ അവസരം നൽകുകയും ചെയ്യുന്നതാണ് ഈ സംരംഭത്തിന്റെ പ്രധാന ലക്ഷ്യം. തിരഞ്ഞെടുപ്പ് രീതികളും ഉത്തരവാദിത്തങ്ങളും കുട്ടികൾക്ക് വിശദമായി മനസ്സിലാക്കിച്ചു.
ബാല പഞ്ചായത്തിലൂടെ കുട്ടികൾക്ക് സാമൂഹിക വിഷയങ്ങളിലേക്കുള്ള ബോധവും നേതൃത്വവും വളർത്താൻ സാധിക്കും. കുട്ടി സൗഹൃദ സമൂഹം രൂപപ്പെടുത്തുന്നതിനുള്ള ശക്തമായ അടിത്തറയായാണ് കുടുംബശ്രീയുടെ ബാല സഭാ ബാല പഞ്ചായത്ത് രൂപീകരണം മാറുന്നത്.
