കുട്ടി സൗഹൃദ തദ്ദേശഭരണ സംവിധാനത്തിന്റെ ഭാഗമായി കുടുംബശ്രീയുടെ ഹാപ്പി കേരള പദ്ധതി ഉൾക്കൊണ്ട് പിറവന്തൂര് ഗ്രാമപഞ്ചായത്തില് ഹാപ്പി കേരള കിഡ്സ് പരിപാടി സംഘടിപ്പിച്ചു. കുട്ടികളുടെ മാനസിക–ശാരീരിക സന്തുലിത വികസനം, സന്തോഷകരമായ പഠനാന്തരീക്ഷം, സൃഷ്ടിപരമായ കഴിവുകളുടെ വളർച്ച എന്നിവ ലക്ഷ്യമാക്കി വിവിധ പ്രവർത്തനങ്ങളാണ് പരിപാടിയുടെ ഭാഗമായി നടപ്പാക്കിയത്. കുട്ടികളെ കേന്ദ്രമായി കണ്ടുകൊണ്ടുള്ള വികസന സമീപനത്തിന്റെ പ്രസക്തിയും പരിപാടി മുന്നോട്ട് വെച്ചു.
കുട്ടികളുടെ അഭിപ്രായങ്ങൾ കേൾക്കുക, അവരുടെ പങ്കാളിത്തം ഉറപ്പാക്കുക, ആത്മവിശ്വാസവും സാമൂഹിക ബോധവും വളർത്തുക എന്നിവയാണ് ഹാപ്പി കേരള കിഡ്സ് പരിപാടിയുടെ പ്രധാന ലക്ഷ്യങ്ങൾ. കുടുംബശ്രീ, തദ്ദേശസ്വയംഭരണ സ്ഥാപനം, സമൂഹം എന്നിവയുടെ സംയുക്ത പങ്കാളിത്തത്തോടെ കുട്ടി സൗഹൃദമായ ഗ്രാമം രൂപപ്പെടുത്തുന്നതിനുള്ള ഒരു ശക്തമായ ചുവടുവയ്പ്പായാണ് പിറവന്തൂരിലെ ഈ പരിപാടി മാറിയത്.
