ട്രൈബൽ ബാലസഭയിലെ കുട്ടികളുടെ സമഗ്രവികസനവും ആത്മവിശ്വാസ വർധനവും ലക്ഷ്യമാക്കി സജ്ജം പ്രോഗ്രാം സംഘടിപ്പിച്ചു. കുട്ടികളുടെ കഴിവുകൾ കണ്ടെത്തി വളർത്തുക, പഠനത്തോടൊപ്പം സാമൂഹിക ബോധവും ജീവിത നൈപുണ്യങ്ങളും വളർത്തുക എന്ന ലക്ഷ്യങ്ങളോടെയാണ് പരിപാടി രൂപകൽപ്പന ചെയ്തത്. കുട്ടികളുടെ സജീവ പങ്കാളിത്തത്തോടെ വിവിധ പഠനപരവും വിനോദപരവുമായ പ്രവർത്തനങ്ങൾ സംഘടിപ്പിച്ചു.
ആദിവാസി സമൂഹത്തിലെ കുട്ടികൾക്ക് തുല്യാവസരങ്ങൾ ഒരുക്കുകയും അവരുടെ സ്വപ്നങ്ങൾക്കു കരുത്തുനൽകുകയും ചെയ്യുകയാണ് സജ്ജം പ്രോഗ്രാമിന്റെ പ്രധാന ഉദ്ദേശ്യം. കൂട്ടായ്മ, നേതൃത്വം, ആശയവിനിമയം എന്നിവയിൽ കുട്ടികളെ ശക്തരാക്കുന്നതിനൊപ്പം അവരുടെ സർഗ്ഗാത്മകതയും കഴിവുകളും പുറത്തുകൊണ്ടുവരാൻ ഈ പരിപാടി സഹായകമായി.
